AKSARA JAWA PADA (TANDA)

 AKSARA JAWA

SINAU NGENANI PADA (TANDA)

 

                Aksara Jawa nduweni perangan jinise aksara kanggo nulis ukara utawa paragraf. Ana aksara legena, aksara pasangan, sandhangan, pada, lan liya-liyane. Jinis-jinise aksara Jawa kasebut ana, supaya bisa njangkepi anggone nulis ukara utawa paragraf saka tulisan latin menyang tulisan aksara Jawa. Dina iki awakedhewe bakal sinau ngenani pada utawa tanda.

                Ing basa Indonesia utawa tulisan latin, kanggo njangkepi ukara utawa paragraf perlu anane tanda. Supaya ukara utawa paragraf kasebut ana surasane, mula kudu diwenehi tanda. Dadi tanda iki minangka perangan penting kanggo njangkepi saiwijine ukara utawa paragraf. Semono uga aksara Jawa. Supaya ukara utawa paragraf kasebut ora uwal surasane, mula kudu diwenehi tanda uga kang diarani pada.

                Pada yaiku perangan saka jinise aksara Jawa kang digunakake kanggo gantine tanda ing basa Indonesia (contone kaya tanda titik (.), tanda koma (,), lan liya-liyane). Dene jinise pada sing asring ditemokake lan digunakake sajrone panulisan ukara utawa paragraf ana papat (4), yaiku pada lingsa  (), pada lungsi ( ), pada adeg-adeg (), lan pada pangkat (). Kita bakal ngrembug lan nyinaoni ngenani panganggone patang (4) pada kasebut. Dene wujud lan gunane pada-pada kasebut, bakal kandharake ing ngisor iki.